TOP STORIES

Magpadayon sa regular nga operasyon ang pipila ka frontline ug emergency services lakip ang Tagbilaran City Primary Care Facility ug City Health Office, City Disaster Risk Reduction and Management Office (CDRRMO), ALERT emergency response, City Traffic Management Office (CTMO), Solid Waste Management Office field operations, serbisyo medikal sa City Mayor’s Office, Office for Senior Citizens Affairs, ug operasyon sa slaughterhouse ug public markets.

Gimando usab sa mayor nga mosunod ang mga barangay sa maong work arrangement, gawas sa medical teams, emergency responders, ug solid waste services aron masiguro ang padayon nga serbisyo sa publiko.

Lakip sa dugang nga lakang aron makadaginot sa fuel ang temporaryong pagsuspenso sa paggamit sa city bus ug city vehicles gawas sa Tagbilaran, gawas sa medical emergencies ug aprubadong biyahe. Gisuspenso usab ang motorcade sa mga city events hangtod mo-stable ang presyo sa gasolina.

Gitukod usab ni Yap ang Special Monitoring Group nga gilangkuban sa local ug national agencies aron magbantay sa mga gasoline station, merkado, ug negosyo sa syudad batok sa sobra nga presyo ug hoarding.

Gipasidaan sa Mayor nga dili tugotan ang profiteering ug hoarding sa mga gasoline station, ug kinahanglan mosunod sa projected oil price per liter nga gitakda sa Department of Energy.

Matod niya, tumong sa mga lakang ang pagpanalipod sa konsyumer, pagmintinar sa patas nga presyo, ug paglikay sa panic sa publiko taliwala sa pagsaka sa presyo sa fuel.

Miresponde ang mga personnel sa Bohol Tourist Police Unit sa trouble alarm alas 8:05 sa buntag sa Palm Tree Travel Services sa Purok 5, Barangay Danao.

Sa inisyal nga imbestigasyon, nasayran nga kalit lang gisumbag, gisipa ug gibanggaan sa suspetsado ang glass door sa travel agency nga hinungdan sa kasamok sa lugar. Gituohang hubog ang suspetsado sa maong higayon.

Nahadlok ang usa ka babaye'ng empleyado sa sulod sa opisina nga, nag-inusara niadtong orasa, ug dayon gitrangkahan ang pultahan aron masiguro ang iyang kaluwasan.

Nalinaw ang sitwasyon human miabot ang saksi nga usa ka Pilipino nga residente ug mipakalma sa suspetsado.

Sa inspeksyon sa pulisya, nasuta nga nadaot ang glass door sa establisemento apan wala pa matino ang kantidad sa kadaot samtang naghulat pa sa quotation sa pag-ayo.

Gidakop dayon sa mga pulis ang suspetsado ug gidala sa Panglao Municipal Police Station ug giandam na sa kapulisan ang kaso batok kaniya tungod sa alarms and scandal.

​Ubos sa maong balaodnon, masiguro ang husto nga pagpili sa mga benepisyaryo pinaagi sa Persons with Disability Affairs Office (PDAO) ug sa national PWD registry. Lakip usab sa probisyon sa bill ang regular nga pagrepaso sa kantidad sa pension aron makasagubang sa epekto sa implasyon, dungan sa hugot nga mga safeguards alang sa transparency ug accountability sa pag-apud-apod sa pundo.

​Matud pa ni Congressman Baba Yap, “This is a concrete step toward social justice, dignity, and inclusion for our indigent PWDs. We remain committed to protecting the most vulnerable and ensuring no one is left behind.”

​Sa wala pa ang sesyon sa Kongreso, nakigtagbo usab si Yap sa mga sakop sa National Unity Party (NUP) diin mitambong usab si Senadora Loren Legarda.

Ang maong panagtigom naghisgot sa mga proyekto ug kalamboan alang sa Unang Distrito sa Bohol, diin aktibong nakigtambayayong ang senadora sa pagpalambo sa maong dapit.

Apan, No Show si Joselito Sinocruz, Port Manager, sa Philippine Ports Authority (PPA) Tagbilaran City nga wala gikahimoot sa Sangguniang Panlungsod kay tungod matod pa ilang anniversary.

Nilutaw nga PPA maoy problema sa issue, diin dugay nang polisiya sa Ocean Jet ang 30 mins check-in apan wala gipatuman para sab konsiderasyon sa mga pasahero. Pero karon, gimando sa Port Manager nga ipatuman base sa ilang polisiya niadtong 1993 maong nisangpot karon sa kagubot ug kahasol sa gisagop nga polisiya sa pantalan.

Nasayran nga dili lang ang PCG maoy moclear na karon sa barko ayha molarga diin apil na ang PPA nga makadugay sa processo ug nahimo nang 12 ang steps nga himoon gikan sa 9 nga steps nga mas sayon ra unta para sa clearing.

Naukay sab nga ang Port Manager dili 'Friendly' sa mga port stakeholders nga dili ka ka atubangon kon walay appointment ug dili maminaw og suhestyon apil pa nga kanunay nga 'NO SHOW' ang Port Manager sa mga imbitasyon sa session ug committee hearing sa Sangguniang Panlungsod karon ug apil na sa nilabay nga sakop sa Sangguniang Panlungsod.

Girefer ang gituki nga issue sa Sangguniang Panlungsod sa committee level pinaagi sa Committee on Public Utilities and Franchises ni City Councilor Borja ug ipatawag ang PPA Manager nga 'No Proxy Allowed' para sa committee meeting.

Kahinumduman nga ang mga biktima nga Taiwanese couple nangaon lang daplin sa baybayon sa dihang kalit nga gikuha sa wala mailhing suspek ang ilang bag. Sulod sa maong bag ang kwarta, usa ka iPhone, ug ang ilang mga passport. Hinuon, swerte nga nakit-an ra sa ulahi ang cellphone ug ang mga passport sa mga biktima, hinungdan nga malampuson ra gihapon nga nakauli ang magtiayong Taiwanese sa ilang nasud.

Tungod sa maong insidente daling nilihok si Governor Erico Aris Aumentado ug nitanyag og P150,000 nga ganti o reward alang sa bisan kinsa nga makatumbok o makahatag og impormasyon sa nahimutangan sa suspek.

Naglaum ang kagamhanang probinsyal ug ang kapulisan nga pinaagi niini, mas mapadali ang pagsulbad sa kaso ug mahatagan og hustisya ang mga turista.

Ang kalihokan gisuportahan sab sa mga lokal nga mga opisyal sama ni Tagbilaran City Mayor Jane Yap ug 1st District Representative Baba Yap, samtang si Governor Aris Aumentado mao ang pinasidunggang bisita nga girepresentahan ni Executive Assistant Ret. Gen. Art Evangelista.

Ang pagsaulog sa Fire Prevention Month sa tibuok nasod gisang-at ubos sa Presidential Proclamation No. 115-A, nga nagdeklara sa Marso kada tuig isip Fire Prevention Month aron ipromote ang kahibalo sa publiko ug ang aktibong pagpanalipod batok sa sunog.

Ang inisyatibo nagtumong usab sa pagpalig-on sa edukasyon sa kaluwasan sa sunog, pagpahigayon og fire drills, ug pagpalig-on sa emergency response sa tibuok nasod.

Lakip sa kick-off sa Bohol ang mga awareness campaign, ceremonial nga kalihokan, ug diskusyon sa mga estratehiya sa kaluwasan aron mapakunhod ang insidente sa sunog sa probinsya.

Gihimo sab sa mga lokal nga fire stations dinhe sa lalawigan ang ilang kick-off sa maong kasaulogan nga dunay tema karong tuig 2026 nga mao ang “Hangad Nating Lahat, Pamayanang Handa, Aktibo at Masagana,”

Nagdala kini sa tema nga "Evergreen Agriculture: Nurturing our Earth, Feeding the Future".

Gitambongan sab ang kalihokan nila ni Governor Aris Aumentado, Vice-Governor Nicanor Besas, Board Member Nathaniel Binlod, representante nj 3rd District Representative Alexie Tutor ug ubang mga dinapit nga bisita.

Molanat nga bukas og usa ka semana ang Agri Fair nga makapalit ang publiko sa mga produktong agrikultura.

Ang biktima lumad nga taga Toledo City Probinsya sa Sugbo ug anaa kasamtangan nagpuyo sa iyang uncle diri sa Tagbilaran City suma sa iyang igsoon nga si Andrea Lana nga nahinabi sa DYTR NEWS.

Sumala sa inisyal nga report gikan sa kapulisan sa Corella pinaagi sa DYTR News, nakadawat sila og tawag gikan sa MDRRMO human usa ka molupyo nga nag-walking sayo sa buntag ang nakakita sa lawas ni Lana nga nagbuy-od daplin sa highway nga wala nay kinabuhi.

Sa pagkakaron, nagpadayon pa ang gihimong imbestigasyon sa kapulisan uban ang Rural Health Unit (RHU) Corella sa dapit diin nahitabo ang insidente aron pagsuta sa tiunay nga hinungdan sa kamatayon sa biktima.

Nagsugod kini human sa insidente atol sa Local Health Board meeting niadtong Pebrero 24, diin ang personal secretary ni Casane gibabagan sa pag-apil imbes nga siya ang moapil, bisan pa nga klaro sa opisyal nga notice nga gitugotan ang representante kung wala ang opisyal.

Gipahayag ni Councilor Casane nga ang iyang staff nakasinati og dautang pamulong ug pag-‘intimidate’ o paghulga gikan kang Nisnisan, kinsa giingon adunay kasaysayan sa agresibong pamatasan batok sa lokal nga mga opisyal.

Ang reklamo naghisgot usab og posibli nga paglapas sa RA 7160 (Local Government Code of 1991) ug RA 6713 (Code of Conduct and Ethical Standards for Public Officials), nga nag-angkon nga milapas sa iyang awtoridad ang MLGOO ug wala magpakita og angay nga propesyonalismo.

Sa iyang pormal nga pangayo alang sa aksyon, naghangyo si Casane og kompletong imbestigasyon, klaripikasyon sa polisiya sa representasyon, ug administratibong silot kung mapamatud-an ang sayop nga buhat.

Gikonpirmar ug gipangmatuod sa DILG provincial ug regional nga mga opisina nga nadawat na nila ang reklamo as of Pebrero 27, 2026, apan wala pay opisyal nga pahayag bahin sa posibleng imbestigasyon.

“Ang papel sa MLGOO mao ang paggiya, pagtabang, ug pagsiguro sa pagtuman sa balaod — dili ang pag-intimidate o pagpahadlok sa mga napiling opisyal,” matod pa ni Casane sa iyang sulat.

Kini nga lakang kabahin sa mas gipalapdan nga tinguha sa probinsya nga magpabiling malinawon ug layo sa bisan unsang hulga sa kriminalidad ang dapit.

Gawas sa pagtaod og mga digital nga CCTV, namatikdan usab ni Governor Aumentado ang kamahinungdanon sa pisikal nga presensya sa mga otoridad, hinungdan nga giplano usab ang pagdugang og mga police outposts sa palibot sa baybayon.

Pinaagi niini, mas mapalig-on ang pagbantay sa kapulisan ug mas daling maaksyonan ang bisan unsang emerhensya o report sa mga krimen. Gipasalig sa administrasyong Aumentado nga magpabiling lig-on ang ilang baruganan batok sa mga dautang elemento aron mapanalipdan ang kaayohan sa tibuok komunidad ug ang dungog sa turismo sa Bohol.

Tungod sa grabeng kahadlok, daling gipakusgan sa biktima ang iyang dagan hangtod nga nakaabot siya sa dapit diin daghan na og tawo duol sa traffic lights sa Libaong, hinungdan nga mitalikod ug nisibat ang suspek. Nakit-an pa sa CCTV nga nibalik ang maong lalaki aron pangitaon pag-usab ang biktima, apan swerteng nakaikyas na kini. Gihulagway ni Spence ang suspek nga usa ka "sexual predator" ug nanawagan siya sa ubang mga babaye nga magmabinantayon, ilabi na kon mag-inusara sa pagbiyahe kon gabii na.

Sa pagkakaron, ang kapulisan sa Panglao PNP, pinaagi sa pakighinabi sa DYTR News, ila pang giimbestigahan ang maong report. Gawas sa kapulisan, niduol na usab ang biktima sa Barangay Hall sa Libaong ug Bolod aron masusi ang mga CCTV footage sa dalan aron mailhan ang maong manyakis.

Si Initay, labing unang lokal nga opisyal sa Bohol nga dayag nga mideklarar og suporta sa presidential bid ni VP Sara Duterte.

Matud ni Initay, gipili ang ngalan nga “ISDA” dili lamang isip acronym sa alyansa kondili aron iangay usab sa nagpadayon nga isyu sa lalawigan bahin sa taas nga presyo sa isda sa mga merkado problema nga dugay na niyang giingong wala pa masulbad bisan sa nagkalain-laing administrasyon.

Matod ni BM Initay nga kung unsa ang problema sa Bohol nga isda, isda ra usab ang makasulbad, nga nagpasabot nga ang alyansa maglatid og mga solusyon nga nakasandig sa liderato nga iyang gituohan nga mahatag ni VP Sara Duterte.

Gibutyag usab niya nga bukas ang ISDA sa tanang Bol-anon nga gustong moapil aron madugangan ang mosuporta kang Duterte padulong sa 2028 elections.

Subay niini, nagpabiling hilom ang ubang politiko sa Bohol may kalabotan sa pagdeklara ni Duterte, lahi sa mga nangaging eleksyon diin sayo ug dayag ang pag-endorso sa pipila ka mga lider lokal.

Ang kompetisyon giila ug gi-aprubahan sa Philippine Dragon Boat Federation ug magpakita og tradisyonal nga dragon boats nga adunay synchronized LED lights, nga maghatag og talagsaong night racing spectacle.

Gilauman ang partisipasyon sa 20 hangtod 24 ka lokal ug internasyonal nga mga team gikan sa Canada, Malaysia, Japan, Bohol, Cebu, Leyte, Manila ug Mindanao, uban sa 800–1,200 ka bisita.

Gipaabot usab ang pagdagsa sa kita alang sa hotel, transportasyon, restawran ug gagmay’ng negosyo sa probinsya.

Sumala ni Dumaluan, tumong sa kalihokan nga mapalig-on ang Bohol isip sentro sa international paddling events ug mapalambo ang sports tourism.

Lakip sa programa ang youth development initiatives ug suporta sa Disaster Risk Reduction and Management (DRRM) pinaagi sa pagpasiugda sa water safety ug emergency preparedness.

Ang maong festival ipahimutang isip kabahin sa Saulog Festival ug usa ka dakong prelude sa Sandugo Festival 2026.

Dugang pa ni Dr. Dumaluan, kini usab ang unang glow-in-the-dark dragon boat competition sa Southeast Asia nga adunay dako’ng cash prizes. Abli pa ang rehistrasyon alang sa mga team ug partners.

Sa taho gikan sa PNP Tubigon pinaagi sa interview sa DYTR News, swerte nga walay narekord nga naangol o nakabsan sa kinabuhi sa maong insidente luyo sa pagkabalit-ad sa sakyanan.

Sa pagkakaron, anaa pa sa dapit nga nahitaboan ang mga imbestigador sa PNP Tubigon aron sutaon ang tinuod nga hinungdan sa aksidente ug aron pagpahigayon og traffic management sa maong dapit.

Gipaabot pa ang dugang detalye kon unsay nahimong deperensya sa trak nga miresulta sa pagkatumba niini sa karsada.

Ubos sa bag-ong ordinansa, hingpit nang idili ang pagpakaon sa mga tuki o whale sharks ug ipatuman ang "no approach, no interaction" standard aron malikayan ang disturbo sa natural nga lihok sa maong marine wildlife.

Gipahigayon ang maong mga lakang pinasikad sa mga science-based regulations aron unahon ang konserbasyon kaysa sa bisan unsang komersyal nga interes. Kini giisip nga usa ka mahinungdanong lakang sa probinsya alang sa mas responsable ug malungtarong turismo nga nagbalanse sa proteksyon sa ekolohiya ug paglambo sa ekonomiya.

Gipaabot nga ipahibalo ang eksaktong petsa sa pag-abli sa maong atraksyon sa dili madugay sa higayon nga hingpit nang mapahiluna ug mapirmahan ang ordinansa.

Ang kagamhanang probinsyal nagpahinumdom sa publiko nga ang maong regulasyon gihimo aron maseguro nga ang umaabot nga mga henerasyon makatagamtam pa sa kaanindot sa marine wildlife sa Bohol.

Base sa maong report, miabot sa kinatibuk-ang 31.5 ka milyon nga mga dumuduong gikan sa gawas sa nasod ang mibisita sa nagkalain-laing tourist spots sa rehiyon sugod niadtong tuig 2000 hangtod sa kasamtangang tuig 2024.

Samtang dominante ang Central Visayas sa international market, ang CALABARZON usab ang giila nga "most visited region" alang sa mga domestic travelers o lokal nga mga turista, human kini nakatala og 77.5 ka milyon nga mga bisita gikan sa tuig 2008 hangtod 2024.

Ang maong datos nagpakita sa kalig-on sa industriya sa turismo sa nasod taliwala sa mga hagit sa milabayng mga katuigan.

Alang sa magtiayon nga si Felipe ug Lilibeth Lumiguid, ang lig-on apan yano nga balay labaw pa sa puy-anan simbolo kini sa bag-ong sinugdanan human sa mga pagsulay nga ilang naagian.

Niadtong Disyembre 2021, gilumpag sa Typhoon Odette ang ilang balay ug gibiyaan sila nga walay kasigurohan. Sa wala pa ang bagyo, nasinati usab nila ang dakong kasubo sa pagkamatay sa ilang kamagulangang anak tungod sa sakit. Si Lilibeth usa ka person with disability (PWD), samtang si Felipe nag-uma aron masuportahan ang pamilya, apan dili igo ang kita aron makatukod pag-usab sa ilang balay.

Bisan pa sa kalisod sa dalan, personal nga gibaktas si Gov. Aumentado kauban si PLt. Col. Joseph Berondo, hepe sa PCADU-BPPO, PMaj. Jesus Daplin hepe sa Catigbian MPS ug ubang lokal nga opisyal aron ihatod ang yawi sa ilang bag-ong puluy-anan pagpamatuod nga ang serbisyo sa gobyerno moabot bisan sa pinakalayo nga komunidad.

Sa dihang misulod ang pamilya sa ilang bag-ong balay, mitulo ang luha sa kalipay ug kahupayan nga dili na mahadlok sa tag-as nga ulan o kusog nga hangin.

Ang programa usa ka hiniusang paningkamot sa Provincial Government ug BPPO aron mahatagan og libre ug lig-on nga puluy-anan ang mga kabus ug naapektuhan sa kalamidad sa tibuok Bohol.

Sumala ni Aumentado, ang tinuod nga pagserbisyo dili kutob sa opisina ug seremonya.

“Ang serbisyo publiko dili lang obligasyon. Ania kita aron masiguro nga walay Bol-anon nga mabiyaan, bisan unsa pa kalayo,” matod niya.

Alang sa pamilya Lumiguid, ang bag-ong balay dili lang panalipod batok sa bagyo, kundili simbolo sa kalig-on ug paglaum — usa ka dapit diin ang kasubo hinay-hinay nga mamaayo ug ang kinabuhi makasugod pag-usab.

Si Suganob, usa sa mga world rated boxers mipahayag atol sa Kumong Bol-anon XXIV Press Conference nga hingpit na ang iyang pagpangandam alang sa maong panagsangka.

Gitinguha niya nga mapadayon ang iyang sunod-sunod nga kadaogan sa ring ug ihatag niya ang tanang kusog sa maong fight para sa mga Bol-anon ug Pilipino nga boxing fans.

Samtang, si Baleni misaad sad sa mga boxing fans alang sa nindot nga sangka tali kang Suganob diin dala niya ang kasinatian sa boxing, lakip ang mga taktika aron maangkon ang kadaogan sa duwa.

Atol sa maong panagtagbo, gipaabot ang maayong balita nga nakadawat ang probinsya og dugang P100-M nga pondo gikan sa opisina ni Senador Pia Cayetano aron masiguro ang paghuman sa edepisyo. Kini nga pasilidad gitumong aron mahatagan og permanenteng dapit ang nagkalain-laing buhatan sa gobyerno ug national agencies, butang nga dako og tabang sa pagpalambo sa serbisyo publiko sa lalawigan.

Gawas sa pondo, gihisgutan usab sa maong tigom ang plano nga pagdugang og usa ka conference room sa disenyo sa proyekto aron mas mapuslan ang edepisyo alang sa mga opisyal nga panagtigom.

Nagpadayag usab og pasalamat si Governor Erico Aris Aumentado ngadto sa DPWH sa ilang dedikasyon sa pagpahiluna sa maong imprastraktura nga gipaabot nga mahimong sentro sa koordinasyon sa tibuok Bohol.

Gipagawas sa Kagamhanang Lokal sa Tagbilaran ang temporaryong traffic scheme aron mamenusan ang trapiko sa CPG North Avenue, ilabina nga dunay cross drain construction duol sa Bohol Wisdom School.

Matod ni City Administrator Alvin Acuzar, sugdan ang maong traffic scheme karong Lunes, Marso 2, 2026, ug ipatuman kini sulod sa usa ka semana isip experimental nga lakang. Human sa trial period, maglingkod pag-usab ang mga opisyal sa City Hall aron susihon kon adunay angay nga usbon alang sa mas han-ay nga dagan sa trapiko.

Dugang pa sa City Administrator nga ipatuman ang scheme matag school days sa mga oras nga 6:00 a.m. hangtod 8:00 a.m., 11:00 a.m. hangtod 1:00 p.m., ug 4:00 p.m. hangtod 6:00 p.m., nga maoy peak hours sa lugar.

Samtang, ang Department of Public Works and Highways (DPWH), pinaagi sa contractor nga LABB Construction, magpadayon sa cross drain installation sulod sa 30 ka adlaw. Ang proyekto magdugtong sa drainage system gikan sa Peña Flor Street padulong sa CPG North Avenue aron masulbad ang kanunay nga pagbaha sa maong lugar.

Nanawagan ang mga opisyal sa syudad sa pagsabot ug kooperasyon sa publiko samtang gihimo ang proyekto nga nagtinguha sa long-term nga solusyon sa problema sa baha ug trapiko sa maong dalan.

​Dugang sa maong umento, gipasalig usab sa maong institusyon nga walay ipatuman nga usbaw sa amot o contribution hike hangtod sa tuig 2027. Kini usa ka dakong kagaan sa bulsa alang sa mga aktibong miyembro ug mga trabahante nga nagbayad sa ilang binulan nga premium. Sumala sa SSS, kini nga mga lakang nahimong posible tungod sa kalig-on sa ilang panalapi, diin ang ilang Reserve Fund miabot na karon sa kantidad nga ₱1 Trillion.

​Tungod sa maong dako nga pundo, gipasalig sa pagdumala sa SSS nga magpabiling lig-on ang serbisyo sa ahensya ug kaya niining tumanon ang mga saad nga benepisyo nga dili kinahanglan mopas-an og dugang bayrunon ang mga miyembro.

Kini nga kalamboan giisip nga bunga sa maayong pagdumala sa pundo ug investment sa maong ahensya sa miaging mga tuig, nga karon direktang mapahimuslan sa mga nakaserbisyo na sa nasud.

Isip kabahin sa maong kalamboan, gimandoan na sa Gobernador ang Provincial Treasurer’s Office nga mag-abli og account alang sa trust fund sa Kagamhanang Probinsyal diin ideposito sa kompanya ang bahin o share sa probinsya subay sa balaod.
Mitambong usab sa panaghisgot sila si BPEMO Chief Jovencia Ganub, Jude Bernard Guieb sa BEDIPO, ug Engr. Angelus Sales gikan sa PPDO. Sa pagkakaron, ang PetroGreen Energy nagpadayon sa ilang mahinungdanong proyekto sa lungsod sa Dagohoy, ang Dagohoy Solar Power Project.
Ang Dagohoy Solar Power Project usa ka dako nga pasilidad sa renewable energy nga nahimutang sa Brgy. San Vicente lungsod sa Dagohoy. Kini gipanag-iya sa Dagohoy Solar Energy Corporation (DSEC), nga usa ka subsidiary sa PetroGreen Energy Corporation (PGEC).
Kini nga proyekto nagtumong sa pag-generate og limpyo nga kuryente gamit ang solar panels aron makunhuran ang pagsalig sa "fossil fuels" ug mahatagan og mas lig-on nga power supply sa kuryente.

Kini ang gibutyag ni Rogelio Gultiano, ang PESO Head sa LGU Sierra Bullones, atol sa pakighinabi sa Tinuod nga Radyo. Matod ni Gultiano, nakadawat siya og impormasyon gikan sa ahensya ni Katrina nga ang eroplano nga nagdala sa iyang patayng lawas mibiya sa Riyadh International Airport sa Saudi Arabia niadtong miaging gabii sa alas 7:15, ug niabot sa Ninoy Aquino International Airport (NAIA) sa alas 9:50 kagahapon sa buntag. Gikatakdang molarga ang patayng lawas ni Katrina gikan sa NAIA karong gabii sa alas 8:25, ug gilaumang motugpa sa Bohol-Panglao International Airport sa alas 9:50 sa gabii. Ang Overseas Workers Welfare Administration (OWWA), uban sa ahensya ni Katrina, mao ang pormal nga motugyan sa iyang lawas ngadto sa iyang amahan nga si G. Anastacio Sajulga Jr. Ang amahan ni Katrina, uban sa mga kawani sa LGU Sierra Bullones, mao ang mosugat sa airport. Ang LGU Sierra Bullones ang nag-andam sa sakyanan alang sa pagsugat, samtang ang funeral parlor nga gikuha sa opisina ni Third District Congresswoman Alexie Tutor mao na ang modala sa patayng lawas ni Katrina pauli sa lungsod sa Sierra Bullones.

Bisan pa man sa maong hitabo, luwas na nga nakabalik sa ilang nasud ang maong mga turista niadtong Pebrero 24 human malampusong narekober ang ilang mga pasaporte. Ang maong mahinungdanong dokumento napalgan sulod sa ilang bag nga gilabay sa usa ka dapit duol sa tunghaan ug seafood restaurant sa Panglao. Una niini, narekober usab ang ilang cellphone sa usa ka sagbotong lugar niadtong Pebrero 22, ang adlaw diin nahitabo ang pagpangawat samtang ang magtiayon nangaon sa usa ka beachfront restaurant.
Subay sa asoy ni Lynnix Unajan, ang nialayon sa mga biktima, dako ang kasakit ug kabalaka nga nasinati sa magtiayon tungod kay nawad-an sila og kwarta ug gamit, butang nga nakabalda sa ilang bakasyon. Sa wala pa sila milarga paingon sa Taiwan, ang magtiayon nagbilin og usa ka video message aron pasalamatan ang gobyerno sa Bohol ug ang kapulisan sa paspas nga paglihok aron mabalik ang ilang mga pasaporte nga maoy yawe sa ilang pagpauli.
Sa pagkakaron, nagpadayon ang hugot nga imbestigasyon sa kapulisan ug gilauman nga ang gitanyag nga mas dako nga ganti makatabang sa dinalian nga pagkasikop sa suspetsado.

Magbangga sa main event si Regie Suganob batok sa South African challenger nga si Siphamandla Baleni. Human sa opisyal nga timbangay, sundan dayon kini sa ceremonial face-off aron pormal nga mapinal ang ilang duwa kon makapasar sa weight limit.

Kompleto usab ang undercard nga maglakip nila Eman Bacosa Pacquiao sa Pilipinas batok Reynold Kundimang sa Indonesia, Joseph Sumabong batok Roland Toyogon, Christian Blunan batok Roldan Sasa, Shane Gentallan batok Marlon Alejandro, Leonard Pores III batok Justine Digan, Reymart Tagacanao batok Anthony Gilbuela, Jericho Acaylar batok Mark Anthony Rurias, ug Jick-Kier Autida batok Ariel Anglimung.

Magbaligya og tiket on-site atol sa weigh-in aron makaseguro na ang mga manan-away sa ilang lingkuranan sa fight night.

Ang maong kalihukan gipaluyohan sa PMI Bohol Boxing Promotions, nga nag-awhag sa publiko nga moabot sayo aron masaksihan ang opisyal nga face-off ug katapusang pagpangandam sa mga manlalaban.

Ang Kumong Bol-anon XXIV himoon karong Pebrero 28, 2026 sa Bohol Cultural Center ug magsugod alas-3 sa hapon.

Sumala sa mga opisyal, tumong sa usa ka buwan nga kampanya ang pagpataas sa kahibalo sa publiko bahin sa fire safety ug pagdasig sa partisipasyon sa nagkalain-laing sektor lakip ang kabatan-onan ug kababayen-an.

Lakip sa mga nag-unang kalihokan mao ang Women’s Month celebration sa Marso 2 nga adunay health ug safe space seminars sa estasyon sa bombero; ang 1st Fire Fighters Pet Costume Contest ug upat ka adlaw nga roadshow gikan Marso 17 hangtod 20; ug ang pag-anunsyo sa mga modaog sa 1st Short Film Contest sa Marso 26 pinaagi sa social media.

Pagatapuson ang kampanya sa Marso 27 pinaagi sa Female Fire Olympics ug Mr. Fire Olympics nga ipahigayon sa PMI Grounds. Apil niini ang mga organikong personnel sa BFP ug mga representante sa Sangguniang Kabataan sa matag barangay, isip pagpalambo sa gender inclusivity sa serbisyo publiko.

Bisan pa sa nagkalain-laing kalihokan, gipasiugda sa estasyon nga anaa sa E. Calceta Street, Barangay Cogon, nga ang nag-unang tumong gihapon mao ang paglikay sa mga insidente sa sunog ug pagpanalipod sa kinabuhi ug kabtangan.

Nakatakdang dapiton sa mga kalihokan sa BFP Tagbilaran City Station karong Fire Prevention Month sila si Mayor Jane Yap, Vice-Mayor Adam Relson Jala, mga sakop sa Sangguniang Panlungsod ug si First District Representative Baba Yap.

Alang sa emerhensya, mahimong kontakon ang Tagbilaran City Fire Station sa 0965-320-3000 ug 0948-984-7487.

Usa sa labing dako nga garbo sa dakbayan mao ang pagkahimong pinakauna sa tibuok Visayas ug Mindanao nga adunay Citizens ID nga nagsilbi usab nga VISA card pinaagi sa pakigtambayayong sa GCash. Kini nga ID magamit bisan asa sa tibuok kalibutan, usa ka lakang nga nagpaduol sa serbisyo sa gobyerno ngadto sa katawhan pinaagi sa modernong teknolohiya. Ang maong kalampusan gisaksihan nila ni Department of Finance Secretary Frederick Go, ARTA Secretary Ernesto Perez, Globe President Ernest Cu, ug GCash President Martha Sazon.

Gawas sa paspas nga serbisyo ug pagkunhod sa taas nga pila o "hassle" sa City Hall, ang digitalization programs sa dakbayan dako og natabang sa pagseguro sa transparency sa tanang transaksyon. Gipasiugdahan kini ni Mayor Jane Yap sukad sa iyang labing unang Executive Order nga nagmando sa digitalization sa serbisyo publiko. Taliwala sa mga hagit sa pag-upgrade sa sistema, ang maong paningkamot nagbunga og maayong resulta, lakip na ang pagpabilin sa dakbayan nga "Zero Loan" o walay utang.

Kini nga pasidungog gipahinungod sa tanang kawani sa City Hall ug sa mga lumulupyo sa Tagbilaran nga ningsagop sa kausaban. Matud pa ni Mayor Jane Yap, ang maong mga tropeyo dili lang simbolo sa kadaugan kondili usa ka commitment nga padayong palambuon ang inobasyon aron mas mapadali ug mapalambo ang kinabuhi sa matag Tagbilaranon.

"It’s not just a trophy moment it’s consistency. It means year after year, we chose to improve, to innovate, and to make government services easier for our people." pamahayag ni Mayor Jane Yap

Ang maong proyekto nahimong posible tungod sa mas gipalapad nga partnership uban sa Bohol Police Provincial Office (BPPO) pinaagi sa ilang inisyatibo nga Libreng Alagad ug Balay. Ubos sa pagdumala sa kapulisan sa Bohol ug sa tabang sa mga madasigong volunteers, nagkahiusa ang tanan aron masiguro nga mapatuman ang maong proyekto alang sa mga pamilyang nanginahanglan og lig-on nga panimalay.

Gipaabot usab ang dakong pasalamat ngadto sa tanang nitabang sa pagtukod sa maong balay. Pinaagi sa hugot nga kooperasyon sa gobyerno, kapulisan, ug mga pribadong indibidwal, nagpadayon ang misyon sa Balay sa Paglaum nga makahatag og dignidad ug mas hayag nga kaugmaon sa matag pamilyang Bol-anon nga nahatagan og dapit nga matawag nilang kaugalingon.

Mihimo sa courtesy visit ang Indonesian fighter Reynold Kundimang, South African challenger Siphamandla Baleni, Bohol’s pride, Regie Suganob, gi-ilang “The Filipino Phenom" ug PMI Boxers kang Governor Aris Aumentado.

Sa co-main event, mag-atbang ang Indonesian fighter nga si Reynold Kundimang ug si Eman Bacosa Pacquiao, anak ni eight division boxing champion Manny Pacquiao

Ang main event, makigsangka ang South African challenger nga si Siphamandla Baleni batok sa pride sa Bohol nga si Regie Suganob, nga mas nailhan sa angga nga “The Filipino Phenom.”

Gikatakda usab mosaka sa ring ang ubang mga boksingero sa PMI sa undercard bouts, nga makapakompleto sa lig-on ug puno nga fight card sa maong kalihokan.

Ang Kumong Bol-anon XXIV pagahimoon karong Pebrero 28 sa Bohol Cultural Center dinhi sa Tagbilaran City.

Subay sa taho ni Lynnix Unajan, kinsa nitabang sa maong magtiayon, nakasinati og grabeng kalisod ug kabalaka ang mga turista human sa insidente diin nawad-an sila og kwarta ug gamit, hinungdan nga naglisod bisan sa pagpalit og tubig.

Niadtong Pebrero 23, niluwat og pahayag si Bohol Governor Erico Aristotle Aumentado nga ang kagamhanang probinsyal nitanyag og ₱100,000 nga ganti alang sa bisan kinsa nga makahatag og impormasyon nga mosangpot sa pag-ila ug pagkasikop sa kawatan.

Sa gihimong operasyon sa kapulisan ug mga volunteers, narekober ang cellphone sa mga biktima niadtong Dominggo sa gabii diha sa usa ka kasagbotana nga dapit. Niadtong Pebrero 24, napalgan usab ang ilang bag nga gilabay duol sa usa ka tunghaan ug seafood restaurant sa Panglao, diin sulod niini ang ilang mga pasaporte nga maoy yawe sa ilang pagpauli. Sa wala pa mobiya ang magtiayon, nagpadala sila og video message nga nagpasalamat sa lokal nga kagamhanan ug sa kapulisan sa Bohol sa dinalian nga tabang nga ilang nadawat.

Bisan pa man sa negatibong kasinatian nga nidaut sa ilang bakasyon, ang magtiayon nipadayag sa ilang appreciation sa paningkamot sa mga Bol-anon nga niboluntaryo sa pagpangita sa ilang mga gamit.

Sa pagkakaron, nagpadayon pa ang imbestigasyon sa kapulisan aron madakpan ang suspek.