Ang ABAG KADUGO - public assistance program hatod kanato sa Kwentas Klaras sa DYTR Bohol ug nagsalig sa hinabang sa atong mga tigpaminaw ug followers.

NANGAYOG TABANG:

Naghilak ang amahan nga si Efren Membrillos samtang nangayo og tabang alang sa ilang 2-anyos nga anak.

Ang bata, nahagbungan og bunga sa kapayas duol sa ilang balay didto sa Getafe, Bohol sa wala pa ang Bagyong Tino. "Wala mabantayi nikalit og patungod ang bata sa punoan sa kapayas timing nga dihay nagdughit ug didto matagak sa iyang ulo ang bunga", Matod ni Efren.

Nagdugo ang dunggan sa bata human sa hitabo mao gidala namo sa hospital sa Gallares. Rekomendasyon sa doktor, ipa CT scan siya pero wala man gud mi kwarta mao nga hangtod karon wala pa ma-CT scan ang bata, asoy ni Efren.

Si Efren, 52 anyos, USA pod ka stroke victim og walay trabaho samtang ang asawa manglabada lang.

Lisod gani mi pamalit og pagka on sir. Naglisod jud mi. Gasalig lang mi sa hinatag ug hinabang sa mga silingan ug igsuon. Mao nga wala jud ma-CT scan ang bata.

Karon, mohilak ang bata kon hikapon iyang ulo. Looy kaayo kay magsige hikap sa iyang ulo unya moingon nga "yayay, yayay", nanglugmaw ang luha sa amahan samtang higinhawa og lawom.

Ang CT scan sa private hospital kantidad og P6, 900.00.

Mao nga nanawag an siya sa mga tigpaminaw og tabang.

Dihay 2 ka listener sa Kwentas Klaras nga nihatod sa DYTR Bohol og tag P500 samtang mga regular nihatag pod og niabot og P3, 500.00.

Ang gusto mohatag og tabang alang kang baby nahimong mo-chat sa atong messenger alang sa atong GCash number.

Amo silang gipapamahaw samtang nagpaabot sa inyong dugang kalooy.

Ginoo lang unya ang magbalos kaninyo.

Daghan kaayong salamat, Kadugo!